ប្រភេទសេចក្តីសំរេចរបស់ស្ថាប័នព្រះមហាក្សត្រ៖
- ព្រះរាជក្រម៖ ជាលិខិតបទដ្ឋានគតិយុត្ត ដែលចេញដោយព្រះមហាក្សត្រ សំរាប់ប្រកាសឲ្យប្រើច្បាប់ ក្រោយពីរដ្ឋសភាបានអនុម័ត និងពិនិត្យដោយព្រឹទ្ធសភារួចមកហើយ។
-
ព្រះរាជក្រិត៖
- តាមន័យទូលាយ៖ ជាលិខិតបទដ្ខានគតិយុត្ត ដែលចេញដោយព្រះមហាក្សត្រ។
- តាមន័យចង្អៀត៖ ជាសេចក្តីសំរេចដែលចេញដោយព្រះមហាក្សត្រ សំរាប់តែងតាំងមន្រ្តីជាន់ខ្ពស់, កំណត់ដែនសមត្ថកិច្ចអ្វីមួយ ឬផ្តល់គ្រឿងឥស្សរិយយស ឬផ្តល់បរមងារអ្វីមួយ តាមការស្នើរបស់រាជរដ្ឋាភិបាល រដ្ឋសភា ព្រឹទ្ធសភា និងឧត្តមក្រុមប្រឹក្សានៃអង្គចៅក្រម ឬតាមព្រះរាជសិទ្ធរបស់ព្រះមហាក្សត្រ។
- តាមន័យទូលាយ៖ ជាលិខិតបទដ្ខានគតិយុត្ត ដែលចេញដោយព្រះមហាក្សត្រ។
-
ព្រះរាជសារ៖ ជាលិខិតរបស់ព្រះមហាក្សត្រសំរាប់ទាក់ទងជាមួយ ព្រឹទ្ធសភា និងរដ្ឋសភា។ តាមមាត្រា១៩ថ្មី នៃរដ្ឋធម្មនុញ្ញឆ្នាំ១៩៩៣ ចែងថា ព្រះរាជសាររបស់ព្រះមហាក្សត្រ ព្រឹទ្ធសភា និងរដ្ឋសភា មិនងាចយកមកជជែកពិភាក្សាបានឡើយ។
ប្រភេទសេចក្តីសំរេចរបស់ស្ថាប័នអង្គការនីតិបញ្ញតិ៖
- រដ្ឋធម្មនុញ្ញ៖ ជាច្បាប់កំពូល ហើយជាប្រភពនៃច្បាប់ទាំងអស់។
-
ច្បាប់៖ ជាវិធានដែលអនុម័តដោយ រដ្ឋសភា និងពិនិត្យដោយព្រឹទ្ធសភា ហើយប្រកាសឲ្យប្រើដោយព្រះមហាក្សត្រ។ ច្បាប់ទាំងអស់មិនត្រូវមានស្មារតីផ្ទុយពីរដ្ឋធម្មនុញ្ញឡើយ។
ប្រភេទសេចក្តីសំរេចរបស់ស្ថាប័នអង្គការនីតិប្រតិបត្តិ៖
- អនុក្រិត្យ៖ ជាសេចក្តីសំរេចខ្ពស់បំផុត របស់អង្គការនីតិប្រតិបត្តិ ។ ជាលិខិតបទដ្ឋានគតិយុត្តិ ដែលមានមុខងារអនុវត្តច្បាប់ បង្កើតស្ថាប័ន និងតែងតាំងមន្ត្រីជាន់ខ្ពស់កាន់អំណាចខាងអង្គការនីតិប្រតិបត្តិ ។ អនុក្រិត្យ ជាលិខិតដែលចេញដោយរដ្ឋាភិបាល (ទីស្តីការគណៈរដ្ឋមន្ត្រី) ដើម្បីរៀបចំសណ្តាប់ធ្នាប់របៀបរៀបរយសាធារណៈ រៀបចំស្ថាប័នរដ្ឋ។ ជាគោលការណ៍ សេចក្តីបង្គាប់ ឬកំណត់ក្នុងអនុក្រិត្យមិនអាចផ្ទុយនឹងច្បាប់ ឬរដ្ឋធម្មនុញ្ញបានទេ។ យើងអាចយល់បានថា អនុក្រិត្យស្ថិតនោក្រោយច្បាប់ហើយវាត្រូវមានខ្លឹមសារស្របនឹងច្បាប់។
- ប្រកាស៖ ជាសេចក្តីសំរេចរបស់ក្រសួង ឬអន្តរក្រសួងដែលជាអង្គការនីតិប្រតិបត្តិ។
- សារាចរ៖ ជាសេចក្តីណែនាំរបស់ក្រសួង ឬស្ថាប័នណាមួយ។ ជាទូទៅសារាចរ ជាលិខិតសំរាប់ណែនាំក្នុងការអនុវត្តច្បាប់ឲ្យបានច្បាស់លាស់។
-
សេចក្តីសំរេច៖ ជាលិខិតដែលមានអនុភាពក្រោមច្បាប់ តែស្របនឹងច្បាប់ ឬដូចច្បាប់ ហើយចេញដោយអ្នកដឹកនាំនៃអង្គការនីតិប្រតិបត្តិ ឬអជ្ញាធរមានសមត្ថកិច្ចដូចជា អភិបាលខេត្ត-ក្រុង ជាដើម។
ប្រភេទសេចក្តីសំរេចខាងអំណាចតុលាការ៖
- ដីកា៖ ជាសេចក្តីសំរេចរបស់អំណាចតុលាការ ដែលចេញដោយចៅក្រម ព្រះរាជអជ្ញា ឬព្រះរាជអជ្ញារង។ ប្រភេទមុនអង្គសេចក្តីរបស់តុលាការ ឬសំរាប់បញ្ចប់នីតិវិធីដោយមិនជំនុំជំរះ។
- សាលក្រម៖ ជាសេចក្តិសំរេចចុងក្រោយបង្អស់ របស់សាលាជំរះក្តីជាន់ទាប រួមមានតុលាការខេត្ត-ក្រុង និងតុលាការយោធា។
-
សាលដីកា៖ ជាសេចក្តីសំរេចរបស់តុលាការជាន់ខ្ពស់រួមមាន សាលាឧទ្ធរណ៍ និងតុលាការកំពូល។
ភូមិគ្រិះនាយស្វិត 